معلومات مهمة حول شعبة MIP – MIPC في FST

في إطار توجيه التلاميذ المقبلين على الدراسات الجامعية نبحث لكم عن مواضيع مهمة تتعلق بالدراسة ما بعد الباكلوريا و في هذا الموضوع سنتطرق الى كل ما يخص شعبة MIP او ال MIPC في FST للطالب/ة كيفية الدراسة ، افاق ، اسئلة ، اجواء الدراسة ...
موضوع اليوم هو كل ما يخص شعبة MIP او ال MIPC في FST
بالنسبة لطريقة احتساب المعدل فهي كالتالي:

طريقة حساب معدل الانتقاء بكليات العوم و التقنيات FST

ندخل في  صلب الموضوع :

انا طالب الان في الاجازة ( licence ) في كلية العلوم و التقنيات FST MOHAMMEDIA ، موسم 2013-2014 قررت ولوج سنة اولى FST MOHAMMEDIA MIP ، و تقبلت الحمد لله ، القراية ف MIP صعيبة شويا ماشي بزاف ، ، بالنسبة لطالب PC ايقد انجح و ايجيب فيها مزيان و حسن من sc.maths .انا قريت السنة الاولى ملي كان SEMESTRE في 4 MODULES ، و لكن هاته السنة أي موسم 2014-2015 ولاو دايرين 6 MODULES PAR SEMESTRES ،يعني قريت ف 2 SYSTEMES ، و هاته هي لائحة MODULES بالنسبة لاصحاب الMIP :

القراية غاتكون عبارة عن COURS و TD و TP ،

• فالــ COURS :

غايكون الاستاد كيشرح الدرس و ماغايكونش كيدخل فلي détails بزاف ، نورمال ، راه programme chargé و خاصكم تعرفوا ان programme dial كل module خاصوا كثر من الوقت لي مححداه الوزارة ، بالنسبة الل analyse 1 خاص البروف خاصوا ايكل module كامل ف 20 ساعة و les TD ايكملهم ف 26 ساعة ، و هادشي كامل ف semestre واحد ماكافيش ،( ان شاء الله اندير واحد جدول فيه كل module و فشحال من ساعة خاص ايقريه البروف ) ادن غايكون البروف كيزرب غالبا ،داكشي علاش الى مافهمتيش خلي تال اخر الحصة و سير سولو ، حاجة عادية ، وماتقولش و صافي تال الحصة جاية ، لا تال دار ، و كاين الاساتدة عزيز ايجي عندهم الطالب/ةيسولو على شي حاجة ، واخا بحال هاد لنوع قلالوا فهاد البلاد السعيدة . و كاين او غالبية الاساتدة كيكونو حاطين POLYCOPE ديال الكور ف CENTRE COPIE ( واحد كيدير فوطوكوبي داخل الكلية ، كيكونوعندو لي كور ديال الاساتدة لي قيريو )من الاحسن ايكون عنك هاد بوليكوب و تدخل الكور و تاخد DES NOTES واخا عندك الكور !

• فالــــ TD :

حصص الTD ، كيصحح فيها البروف سلسلة التمارين ، و كيكون فيها خلق الله قليل مقارنة مع الكور ، و باش تستافد من هاد حصص TD خاص من الاحسن تجي مخرجهم ، ماشي حيت البروف كيدور على تمارين ولكن من الاحسن يا اخي الطالب اختي الطالبة ، تكون مخرج ولو تمرين و لا جوج ، ماشي صحاح و لكن حاولي ، غلطي ، حيت ملي البروف غايصحح ف سبورة ، نتي او نتا غاتفهم حسن من هاداك لي متبع غاتصحيح ،راه تكون متبع البروف فتصحيح ديالو لا تعني انك فهمتي ، ايه فهمتي l’enchainement ديال تخراج ديال تصحيح ، و لكن كيبقا داك راس الخيط لي بدا بيه تخراج ، ولي ستافد فهاد الحالة كثر هوا او لا هاديك لي جاء مخرج و محاول مع التمرين واخا ايكون دار فيه سطر واحد صافي .، عادة الاساتدة ماكيدورش على التخراج ^^ و لكن راه شرحت ليكم شنو لي مزيان . بعض المرات البروف ديال TD ماشي هوا ديال COURS ، حاجة عادية ، و ايقدر البروف ديال الكور كيقري شي GROUPE TD ماشي لي نتا فيه ، حيت غالبا كيكونو 4 GROUPES TD ايقدر البروف ديال الكور كيكون كيقري الGR 1 و 3 ، و نتا جيتي فالGROUPE 2 . ( كيفاش انا غانشي فالGR2 و لا 1 ؟ هادا سؤالغانجوب عليه من بعد )

• فالـــ TP :

غالبا البروف ديال TP ماشي ديال الكور ، فهاد الحصص كاطبقوا داكشي لي قريتوه نظريا فلكور ، و لكن ماتخافوش ، اصلا بروف ديال tp هوا لي كيقاد ال maipulation و نتوما كاتاخدوا les mesures ، بريف bref ، كيوريكم كلشي ^^ ، بالنسبة للسنة الاولى Mip ايكون عندكم TP ف ELECTRONIQUE، و فال CHIMIE ، و ايضا فال INFORMATIQUE ، بالنسبة للبنات حتافظوا بال TABLIER البيضا راه مازال ماسالات حقبة الTABLIER، حيت غاتخدموا بيها فال TP CHIMIE ، ضروووري ، و جيبيها فساك ديالك من اول حصة ديال TP CHIMIE . الاولاد تاهوما ، جيبوا TABLIER كدلك ف TP CHIMIE ، لا يهم اللون جيبها حتا زرقة ديال التكوين ( تحية لهم ^^ ) و لا واخا ايكون فيها اللور اشهار ديال kotoubia و لا ماعرت ، المهم خاص تكون لابسها فقط في TP CHIMIE ، حيت كاينين اساتدة مرااااااض تقدر نتا اول مرة فحياتك ادير SEANCE TP CHIMIE و يشوفك ماجايبش اTABLIER ، ايقدر اجري عليك .اما اخي او اختي اللي غادير BCG و داخل لهاد الموضوع ( مرحبا بيك )، فراكم اتخدموا بزااف بال TABLIER ،حتافظوا بيها ^^

التدوينة معلومات مهمة حول شعبة MIP – MIPC في FST ظهرت أولاً على توجيه بريس|.